Natyra 

E shtrirë në përëndim të Kosovës, arena natyrore e Rugovës ka qenë prej motesh djep mitesh e legjendash.

Shtigje të hershme, të pjerrëta përshkojnë grykat malore, masivet malorë fantastikë dhe kullotat alpine, që shtrihen deri në Mal të Zi dhe Shqipëri i kanë falur kësaj treve një ngjyrim aventuror.

Panorama piktoreske dhe karakteri i papërsëritshëmi rajonit, përsa i përket banorëve dhe traditave, përbëjnë ve+antinë e Rugovës.

Veçanërisht mbresëlënëse është Gryka e Rugovës, e krijuar nga lumi Lumbardha e Pejës, i cili gjarpëron ndërmjet majave më të larta të Shqipërisë, Kosovës dhe Malit të Zi.

Rruga e hapur pjesërisht mbi muret e mprehta shkëmbore, të shpie drejt majës Kulla-Pass prej 1849 metrash e lartë, duke lidhur kështu rajonin e Rrafshit të Dukagjinit me Malin e Zi.

Një rrugë piktoreske, e cila edhe pse e ngushtë është e asfaltuar, të çon në qendrën e skijimit e të pushimit veror në Bogë, e cila ndodhet në lartësinë prej 1400 metrash.

• 
• 
• 
• 

Kthehu prapa